SINOPSE
As paisaxes e as xentes quiroguesas están presentes nun bo número de significativos escritores contemporáneos: Ánxel Fole, Manuel María, Ernesto Guerra da Cal, Eduardo Moreiras, Xulio López Valcárcel… Neste libro trázase a vinculación destes autores coa terra de Quiroga e reúnen os textos literarios, acompañados de imaxes dos lugares citados.
DETALLES
Páxinas: 166
Data publicación: 1995
Edita: Concello de Quiroga
ISBN: 84-606-2297-5
RECENSIÓN
“Hai xa unha década que a profesora Celia Díaz publicou un libro singular, atractivo e riguroso, sobre os escritores quirogueses ou que tiñan, malia non teren nacido neste fermoso val, como espazo lírico ou narrativo, como motivo e centro das súas obras, as terras e as xentes da montaña e do val que cruzan silandeiros os ríos deste paraíso noso: o Sil, o Lor, o Soldón, o Quiroga, o Ferreiriño e tantos outros regueiros ledos.
Voces da terra é daquela un libro necesario, un libro que debía estar en tódalas casas do val, en tódolos petos dos mozos e das mozas, nas bibliotecas escolares, ser un referente na vila en toda iniciativa de sensibilización e animacíon lectora. É tamén un libro pioneiro, agora que tanto se está a falar das Vilas Literarias, da creación dunha rede de vilas literarias de Galicia”
(X. PÉREZ MONDELO, Celia Díaz e as Voces da terra, papelmarelo.blogspot.com)
CELIA DÍAZ NÚÑEZ 